臺江臺語文學季刊第30期：雨的旋律(108/05)

ISBN13：9599030332461
出版社：台南市政府文化局
作者：臺南市政府文化局
出版日：2019/05/01
裝訂／頁數：平裝／253頁
規格：23cm*17.3cm*1.4cm (高/寬/厚)
關鍵字：臺江臺語文學季刊第30期：雨的旋律(108/05)、臺語、語文、文學、文學季、學季、季刊、 30、旋律、 108、 05、機關雜誌、台南市政府文化局、臺南市政府文化局、中文書、社會人文、圖書資訊、其他、政府出版品、地方政府、臺南市政府、

中文圖書分類

：

機關雜誌

定價

：NT$ 200 元

優惠價

：85 折 170 元

到貨時通知我

缺貨無法訂購

商品簡介

書摘/試閱

相關商品

商品簡介

編輯手記

交響的詩歌

編輯部

這期《臺江臺語文學季刊》五月出刊，離頂一期三月出刊干焦兩個月的時間（頂一期照慣例配合年假延後一個月出刊的緣故），雖然徵稿的時間縮短，不而過來稿的件數猶原有所成長，而且集中佇截稿的日期，所以作業上有較無閒淡薄仔。

這是歡喜、有意義的無閒，稿量的成長，自然就會促動質的成長，編輯空間佮刊物內涵的成長，對臺語文學的發展是正面的。感謝逐家的支持，考量著版面的分配規劃，以及欲予較濟來稿作品有刊登的機會，部份字數較濟的文章有調整分期刊登佮延後，所以佇遮先共逐家做一个說明。

這期的當季特稿，分別是《數念親人的鰇魚糜——二二八臺語詩歌文化節》、《予臺語流行音樂發光——金曲歌王謝銘祐「另類專訪」》佮《用咱的語言創造咱的文學——臺語詩的領航者林宗源》，這三篇文章講三項無仝的代誌，無仝的情境，毋過有一个微妙相通的連結，就是詩歌，臺語的詩佮歌。

《數念親人的鰇魚糜》講的是蔣為文教授佮濟濟的本土社團，年年佇二二八節日鬥陣數念受難的臺灣人的同時，透過臺語詩歌創作佮食鰇魚糜的實際行動，呼籲逐家將節日民俗化，共同來建立會當予二二八精神永續流傳的文化內涵；《予臺語流行音樂發光》是用較另類的角度報導金曲歌王謝銘祐，一个化身「府城流浪漢」的全方位音樂創作者佮臺語流行歌曲之間的感性故事，當下「如詩如歌」的創作意境；《用咱的語言創造咱的文學》是有臺語詩之父的尊稱，全程行過戰後臺語文學發展的老詩人林宗源，一生創作的歷程佮所堅持的理念，以及詩作化成交響樂佇國家音樂殿堂演奏的感動。

當季的專輯《雨的旋律》嘛不止仔鬧熱，有「霎霎雨滴」、有「我思念彼陣雨」、有「目屎雨」，有落佇港都的夜雨，嘛有刺耙耙（tshiah-pê-pê 潑辣）的莫蘭蒂風颱雨；有「冬天的雨」，嘛有熱人的大雨；有人觀察著「雨的細節」，有人聽著「雨的聲嗽」，嘛有人保存「雨的記持」……等等，各種無仝的情景意象，猜想若掀到這个專輯的時，一面攑雨傘一面閱讀，可能會閣較有臨場感。

另外，猶有延續頂一期《人間的美食》專輯，有人繼續捀（phâng端）好料的出來相請；有描寫二二八悲情的故事，榮獲 2018 年第十四屆雲林文化藝術獎文學類小說首獎的《野草》；有會當予你提咧那探訪那對照的《行讀葉石濤的文學地圖》，有描寫虛虛實實奇巧境遇的《南門郵局》，有透露喪葬業奇人奇事的《菜鳥仔的烏色筆記》，有實際經驗，共辦桌的「行話」佮文化講甲活跳跳的《乞食的大願》……等，無講著的機關藏佇倉庫裡，等你慢慢仔去發現。