月光：陳胤台語詩集

揣著伊進前，
將所有ê愛，hōo這个世界；
揣著伊了後，
kā全世界ê愛，攏hōo伊……

溫柔的月光化為詩人遙記伊人的指向，也宛如上帝慈悲的關愛，照亮生命幽暗的角落。月的陰晴圓缺，是詩人對人生的體悟，轉化為對生命的打拚與追求；月的黯淡朦朧，則是詩人所欲護持的母土話語，殘滅稀微卻又相互依存的靈魂窗口……

詩人對世間風塵的愛戀與不捨，化做憂悶、疼惜的母語歌詩。陳胤以淺白的台語詩文，尋找生活中與土地的連結，由個人生命與情感的抒發，擴及對母土島嶼的關懷與同情。他對外部世界投入感性的悲憫，為內在的母語賦予硬頸、拚搏的性格，完成構築極富情感與聲韻的詩篇，也是在台語文創作的路上，一路拾起語音與記憶的心情筆記。

◎本詩集榮獲獲國藝會創作、出版雙獎助

作者簡介:

陳胤

本名陳利成，彰化縣永靖鄉人。淡江大學中文系畢業。曾任國、高中教師，目前為柳河文化工作室負責人，專事藝文創作。著有台語詩集《戀歌》、《月光》；華語詩集《流螢》、《島嶼凝視》、《青春浮雕》、《詩的旅行》；散文《半線心情》、《悲歡歲月》、《放牛老師手札》、《咖啡．咖啡》、《經口之春》、《鳥的旅行》；拼貼創作《秋末冬初》等書。作品曾獲教育部文藝創作獎、吳濁流文學獎新詩正獎、教育部台灣閩客語文學獎、鍾肇政文學獎、時報文學獎等數十獎項。詩作多次獲國家文化藝術基金會創作與出版獎助，並入選國內重要詩選。二○一四/二○一五年曾舉辦《愛的進行曲》台語詩畫個展。目前極力關注台灣母語與生態議題。

母語，日漸消失，身為詩的創作者，最好的搶救方式，就是投入創作：寫更多更好的母語詩，以文學作品，加入母語復興運動。
本詩集的創作理念：語言，來自生活日常；詩，也是。試圖用淺白的母語（台語）文字，寫日常的素材，從生活與土地的叩連中構築詩的世界，情感與音韻的表現之外，嘗試提煉一些生命哲思。最後一卷，傳達對母語與詩，在當前速食功利的社會中被邊緣化的憂心，卻又有彼此依存的溫暖—母語詩，恍如月光，稀微黯淡卻是人的靈魂之窗⋯⋯
本詩集，連影像詩月光短歌，共122 首，四卷：卷一「拄好」，生活的日常，沉思小品。卷二「刻骨ê 傷痕」，土地、時事、人物之紀念。卷三「知影」，長詩或組詩，比賽作品。卷四「拋荒ê 心」，母語與詩的心情筆記。
架構上，題目與各卷之名依序分行排列，剛好形成一首小詩，詩題可獨立，也可是首句，創作在刻意經營中總帶些意外緣分—

　〈月光〉
　拄好
　刻骨ê 傷痕
　知影
　拋荒ê心

本詩集的書寫，採漢羅混寫方式，以漢字為主，羅馬字為輔。漢字以教育部頒布的「台灣閩南語推薦用字」為主，羅馬字則用教育部頒訂的「台灣閩南語羅馬字拼音方案」。而在敘述上，盡量以簡明口語行文，並於文後附有台華文註解，稍諳台語者，都能輕鬆進入詩的天地。
本詩集，獲國家文化藝術基金會創作與出版雙重補助（2015、2016）；部分作品曾獲得打狗鳳邑文學獎（2011、2012、2014、2015）、台南文學獎（2013、2014）、教育部閩客語文學獎（2015）、夢花文學獎（2013）、台灣文學金典獎入圍（2014）等，其中包括兩個首獎，共九個獎項，有客觀的肯定，可做為台語詩入門的參考範本。

詩集簡介/稀微的靈魂之窗
踏話頭/月娘ê步數

第一卷　拄好
　人字
　人面火車
　大蔥頭
　日頭
　月光
　毋知死活ê愛情
　水ê珠淚
　卡啦OK
　伊
　老師
　走揣
　咖啡
　拄好
　拍見一首詩
　春天ê心意
　家己跳舞
　時鐘
　草悟道
　偷看
　啥人來教阮唱歌
　速食店，早頓
　陷眠
　窗仔門
　著火ê愛
　暗暝
　會記得
　溫暖ê意義
　腹肚
　賊
　電火
　夢
　網路
　遠遠ê所在
　銅像
　翻頭

第二卷　刻骨ê傷痕
　〈X〉
　千里迢迢ê數念
　土地ê的歌
　太平洋勝訴
　台灣
　永遠ê島嶼
　奸商
　免插伊
　吱蟬ê歌聲
　初秋，微光
　刻骨ê傷痕
　受氣ê巷仔
　春天猶未來相辭
　看！
　風也知影
　恁老師khah好咧，閩南語
　骨氣
　傷心老母
　Tuè著你愛ê跤步
　凝視
　戰場ê孤兒

第三卷　知影
　永遠唱bē煞ê歌聲
　安平，平安
　你ê面是一坵拋荒ê田
　夜景
　知影
　是毋是寫一首詩來記念春天
　美濃，kap我ê青春少年
　越頭，舊山線......
　雙溪ê目屎

第四卷　拋荒ê心
　墓牌
　目屎
　精牲
　芳味
　凌遲
　買票
　劍
　面容
　抗議
　詩
　過冬
　毋瞌
　面目
　露螺
　連回
　Bih雨
　嘛好
　好醫
　傳染
　斬頭
　囂俳
　無目屎
　Hōo絚
　悲傷
　嗽
　電火
　恁娘
　拖磨
　落來
　清醒
　風起
　溫暖
　瀾
　詩咧
　山林
　嚴重

月光之外
　尾話尾之1/春天ê誠意
之2/順這个範勢拚落去

　台語羅馬字拼音方案
　《月光》初稿時間表
　陳胤文學年表

人字
　千萬雙
　渡鳥ê溫柔
　又koh堅強ê翼
　慢慢飛入去
　黃昏ê目睭
　秋天，雄雄排做一字
　人

　無疑悟
　這是性命ê勇士

　阮每一句拄beh寫ê詩
　Gāng-gāng看著上天恬恬無講話
　一時見笑面紅……

　原來詩
　毋是用寫ê
　心肝剖開
　就有

　＃＃＃＃

人面火車
　火車犁頭，一直
　Lú來lú去，性命
　成做 垢胳鉎
　家己，嘛毋知beh駛toh去
　
　人面來人面去
　人面嘛是一本冊
　讀kah Line一聲
　當時teh睏ê眠夢tshuah一下
　毋過，隨時koh睏去

　上帝ê通知無接著
　火車毋知beh駛toh去

　無法度，越頭……

　＃＃＃＃

著火ê愛
　著火ê愛，是一種仇恨
　請你，用所有ê氣力
　緊來怨恨我啊

　我ê身體，已經冰冷霜凍
　毋是查甫，也毋是查某
　Tī這个無情ê世界
　男女之別，早就失去意義
　
　Tī一个清醒ê夢中
　（kám真正
　teh陷眠？）
　我看著你，目屎變做血
　恬恬流落來，白色ê世界
　一寸一寸，漸漸染紅

　啥人tī橋頂teh唱歌？
　一尾大蛇，對掣流ê江河
　雄雄飛起來，請你
　緊來怨恨我啊
　著火ê愛……

　＃＃＃＃

太平洋勝訴
　夭壽！謀殺海岸了後
　Koh用美麗之名，控告大海
　這是啥物碗糕？
　啥物癩膏爛癆ê豬狗精牲
　背骨失德是一斤偌濟錢？

　早起ê日頭
　用都蘭山ê氣力
　雄雄kā伊搧一下喙phé：
　Tu̍h-lān、tu̍h-lān、tu̍h-lān……

　人，是海水做ê
　有啥物面皮控告大海
　Kám毋知，目屎是鹹ê
　血，嘛鹹ê
　連精牲攏知
　你上訴ê目nih就是敗訴
　天公啥物時陣teh行法院？

　豬狗，嘛知
　大海，是咱老母ê腹肚
　你又koh是啥物
　啥物夭壽死囡仔
　飼貓鼠咬布袋

　連序大人，就kā伊BOT
　你毋是豬狗精牲不如ê碗糕
　抑無是啥物？
　啥物癩膏爛癆
　烏心ê 車輪牌……

　註解：美麗灣渡假村建案，2014/10/29高雄地方法院判決台東縣政府kap公司敗訴，環評撤銷。

　＃＃＃＃

風也知影──寫hōo枉死ê阿河
　雄雄，摔落來島嶼
　一粒，天大地大ê
　疼心

　圓滾滾ê目屎
　肝腸寸斷，嘛無願意
　消溶　離散
　Tī上帝ê面容頂頭，綿爛
　流做一條白色ê溪河

　天星，tī水面閃爍
　毋甘，風也知影
　偷偷仔，向天地
　講一段曠闊
　遠遠ê故事……

　註解：台中天馬牧場飼ê一隻非洲河馬，古錐kah人攏叫伊「阿河」，進前因為搬徙無小心，連紲重摔兩擺，胸坎受內傷，suah枉死。

　＃＃＃＃

骨氣──哀念228事件
　這擺，雨落kah有夠食力
　六十五冬ê花開花謝
　所有ê冤屈，嘛堅持開做
　妖嬌百花，koh一擺梳妝打扮
　春天ê美麗 kap哀愁

　無願意飄散ê魂魄
　就為著繼續溫暖
　歷史ê暗暝
　失去溫度ê身軀kap愛情
　一个無聲無夢ê世界
　只有澹澹ê夜露
　Gāng-gāng，照著天星 閃爍……

　愛，雖罔講bē定著
　毋過花芳內面一定是有
　伊ê影跡，我ê孤單
　猶原beh行向山林
　Tī這个落雨ê春天

　Tī這个落雨ê春天
　我徛做一欉傷心ê樹仔
　猶未puh穎ê手枝
　跟tuè白色ê濛霧，tī風中
　走揣一寡仔 硬頸ê骨氣……