本町草花街的臺語博士：王育德的故事

陳玉金
出生於花蓮縣瑞穗鄉，畢業於淡江大學中文系。取得臺東大學兒童文學研究所碩、博士學位，在大學兼任兒童文學相關課程，並經營「童書新樂園」部落格及臉書粉絲團。
作品有：《那年冬天》、《一起看電影》、《放學後》、《夢中的陀螺》、《繪本感動力：臺灣繪本創作者的故事》、《繪本原創力：臺灣繪本創作者的故事》等。

繪者
蔡達源
畢業於東海大學美術系、高雄師範大學視覺傳達研究所，目前任職中學美術專任教師，課餘時間從事插畫及繪本創作。曾於2007、2008年兩度入圍義大利波隆納國際童書原畫展。
圖畫書代表作品：《廖添丁》、《向夢想前進的女孩》、《大肚王：甘仔轄．阿拉米》、《吃夢獸：葉石濤的故事》、《許石的臺灣歌》、《希望小提琴》等。


呂美親
清華大學臺灣文學所碩士，日本一橋大學言語社會科博士，現此時是臺灣師範大學臺灣語文學系的助理教授。捌得著吳濁流文學獎新詩正獎、臺南文學獎臺語小說佮臺語詩首獎、打狗鳳邑文學獎臺語詩首獎、臺灣文學獎創作類臺語散文金典獎等濟項。也捌參與製作賴和文學音樂專輯《河》、共編《台語文運動訪談暨史料彙編》、出版臺語詩集《落雨彼日》、編譯《漂泊的民族 王育德選集》。主要的研究領域是，臺灣世界語運動史、東亞語文改革運動、臺語文學等。

專家推薦 
予咱ê少年囡仔讀一个屬tī家己、予家己勇氣ê故事
文◎呂美親
（臺灣師範大學臺灣語文學系助理教授）

全世界攏著災ê 2020年，考驗人ê身軀kap心靈、考驗國家ê意義，mā考驗全球化ê界限。看袂著ê災厄ta̍uh-ta̍uh會過去；毋過，看會著ê壓迫，逐不時tī每一个所在teh發生，無管你ê肉色、民族ia̍h國家，是啥物款式。

我tī日本留學ê上尾第二冬，受著臺南文化局ê委託，編譯《漂泊的民族 王育德選集》（2017出版）。因為按呢，有機會khah深入認捌王育德先生這位一世人攏teh反抗強權、mā替臺灣人爭取濟濟「人權」ê賢者。人權ê意義有真濟層次，親像是講母語ê權利、用母語書寫文章ê權利、獨立思考ê權利；成做一个集體，有認捌家己歷史ê權利、自由表達意見ê權利、追求民主ê權利；ia̍h若面對強勢者ê非情對待，弱勢者mā有爭取平等權益ê權利。

雖罔逐時代有逐時代ê困境，面對無仝款ê災厄kah逆勢，欲按怎超脫、克服，著靠彼時代ê人所展現ê智慧kah儼硬。Tī這个強權kap壓迫iáu原在ê時代，相信王育德先生所做ê濟濟事工，kap伊所替咱示範成做一个「人」ê形勢，iáu是予咱得著真濟啟示、勇氣kap力量。

一本繪本會當講ê故事有限，總--是，畫內面有真濟線索，通予咱來認捌這位自少年就離開臺灣、毋過規世人攏teh為著故鄉臺灣揣出路ê人。Ia̍h王育德siōng予人知影ê就是伊tī研究臺灣話ê成就，所以，成做這本繪本ê臺譯者，我一方面感覺真榮幸，閣較希望ê是有愈濟人因為讀著臺文版，m̄-nā對咱ê母語有閣較濟ê疼惜，也會當kā所得著ê勇氣化做力量，繼續替母語爭取權利。